Veprimi i Ronaldos që po bën xhiron e botës

Cristiano Ronaldo u rikthye te goli, teksa shënoi dy herë në fitoren e thellë 7-1, të Realit ndaj Deportivo La Corunës.

Gjithsesi, në një moment përplasjeje, portugezi u gjakos dhe kërkoi ndihmën e mjekëve, por ajo që e shqetësonte më shumë Ronaldon, ishte se si dukej fytyra e tij.

Duke mos u bindur nga përshkrimi i mjekut, portugezi i rrëmbeu këtij të fundit telefonin dhe e përdori si pasqyrë për të parë fytyrën e tij.

Murinjo do Elseid Hysajn te Mançesteri, stafi i portugezit po e vëzhgon

Mbrojtesi i kombetares sone, Elseid Hysaj po vëzhgohet nga Zhoze Murinjo. I cili prej kohësh, drejtuesit e Junajtid dhe stafi i trajnerit portugez, po monitoron mbrojtësin shqiptar që aktivizohet në rradhet e Napolit.

Shkodrani është një nga lojtarët më të rëndësishëm të formacionit të Sarrit dhe luan si titullar thuajse në të gjitha kompeticionet.

Sensi i lartë i përshtatshmërisë së tij, si në krahun e majtë, ashtu edhe në të djathtë, ka bërë që shpeshherë të ndihmojë ekipin kur është në vështirësi, cilësi për të cilën Zhoze Murinjo e vlerëson maksimalisht.

Deri tani, për 23-vjeçarin janë ofruar 25 milionë paund nga skuadra e Junajtid, por Napoli kërkon që “djajtë” të paguajnë klauzolën e tij 50 milionë euro, me e larta ne histori kjo per nje futbollist te Shqipërisë.

Superkupa e Europës 2020, optimizëm për kandidaturën e Shqipërisë

Organizimi i një evenimenti madhor, duke sjellë në Shqipëri skuadrat më të mëdha kontinentale, mbetet synimi i Federatës së Futbollit. Nëse inaugurimi i Arenës Kombëtare me një ndeshje të madhe ndërkombëtare për vitin 2019 nuk u realizua, tashmë objektivi është Superkupa e Europës për vitin 2020 dhe optimizmi nuk mungon. Sipas Kejdi Tomorrit, shefit të sektorit të Marrëdhënieve Institucionale dhe Projekteve në federatë, këtë herë shanset janë më të mëdha, edhe sepse stadiumi modern në kryeqytet do të jetë i përfunduar.

Federata e Futbollit kandidoi për Superkupën e Europës 2020, një proces i hapur që realizohet çdo vit në UEFA. Dëshira e FSHF është që sportdashësit shqiptarë të shohin nga afër dy ekipet më të mira të vitit 2020, që do të jenë fituesja e Champions dhe ajo e Europa League.

Këtë herë mendojmë se kemi shumë më tepër shanse përsa i përket fitimit të organizimit të Superkupës në Shqipëri, sepse nuk garojmë me një stadium në letër, por me një kompleks real dhe impiant real, i cili është nga më të mirët në rajon dhe me parametrat më të larta të kërkuara nga UEFA.

Gara nuk është aspak e lehtë. Kandidaturat e tjera janë serioze: nga impianti “Do Dragão” në Portugali, “Grand Stade de Nice” në Francë, “Sami Ofer” në Haifa të Izraelit, “Almaty Central Stadium” në Kazakistan, “Dinamo Stadium” në Minsk të Bjellorusisë, “Helsinki Olympic Stadium” në Finlandë apo “Zimbru Stadium” në Moldavi dhe “Windsor Park” në kryeqytetin e Irlandës së Veriut, Belfast.

Kemi shtete të tjera kandidate, vende mjaft të fuqishme dhe me inftastrukturë mjaft të zhvilluar, si Franca, Irlanda apo Finlanda. Megjithatë, me stadiumin që kemi mendojmë se jemi kandidatë potencialë për organizimin e Superkupës 2020. Afati për dorëzimin e dokumentacionit është data 29 Mars ora 18:00. Pas kësaj date UEFA ka ngritur një komision të posaçëm për shqyrtimin e dokumentacionit të të gjitha federatave. Më pas informacioni i përcillet Ekzekutivit të UEFA-s i cili merr vendimin për shpalljen e vendit organizator për Superkupën e Europës së vitit 2020.

Renditja e FIFA-s, Shqipëria në vendin e 60

Kombëtarja shqiptare e futbollit e drejtuar nga trajneri Christian Panucci është renditur në vendin e 60 për muajin janar 2018, në listën e publikuar në faqen zyrtare të FIFA-s. Skuadra e drejtuar nga Panucci, ka ngjitur 2 vende në këtë renditje në raport me muajin paraardhës. Ndeshja e fundit për kuqezinjtë ka qenë ajo në miqesoren e turqisë ku trimfuam, Turqi 2-3 Shqipëri e zhvilluar në daten 13 nëntor 2017.

Agolli: Shqipëria nuk ka shumë gjëra për t’u krenuar përveç futbollit

“Dikur futbolli shqiptar nuk bënte pjesë në asnjë hartë të Europës, ndërsa tani në sytë e të huajve shikohet me një mënyrë tjetër, e kjo jo vetëm për sa i përket kombëtares, por edhe për sa i përket kampionatit”.
I këtij mendimi është Ansi Agolli, kapiteni i Kombëtares shqiptare të futbollit, i cili në një intervistë për të përditshmen “Sport Ekspres” rrëfen se si e ka ndjekur ai ringritjen e futbollit deri në nivelet ku është sot.
“Kam rreth 13 vite që luaj me ekipin kombëtar A, por më parë kam luajtur edhe në kombëtaren U-19 dhe atë të 21-vjeçarëve. Në këto vite që kam qenë pjese e Kombëtares kam vënë re një zhvillim me hapa të mëdhenj të futbollit shqiptar dhe rezultatet nuk kanë ardhur rastësisht”, është shprehur Agolli.
Për të është e qartë se ky zhvillim i futbollit në vend është rezultat i punës së FSHF dhe presidentit Duka, teksa thotë:
“Kush ka arritur të jetë futbollist në kohen që Duka ka qenë president i ka parë edhe më mirë ndryshimet. Secili nga ne ka punën e vet tek skuadra ku luan, por ama askush nuk mund të ma fshijë mua kënaqësinë që më jep kur shikoj futbollin e vendit tim në nivele te larta. Të jemi realistë, Shqipëria nuk ka shumë gjëra për t’u krenuar përveç futbollit. Le të dalë dikush e të thotë që kemi avancuar në ndonjë sport tjetër, apo në ndonjë sferë tjetër të jetës, me hapa kaq të mëdhenj. Shqipëria ka ecur përpara në shumë drejtime, por askund aq sa futbolli.
Unë kam rreth 15 vite që e njoh Dukën. Kam marrëdhënie njerëzore dhe profesionale mjaft të mira me të. E kam parë vetë se sa pranë i ka qëndruar skuadrës ne momente të vështira dhe pasioni që ai ka për punën që ka bërë në Federatën Shqiptare të Futbollit, institucionin më frytdhënës në Shqipëri”.
Kapiteni i kombëtares nuk u shmanget edhe atyre që ditët e fundit e kane sulmuar së bashku me shokët e tjerë të kombëtares për mbështetjen publike që i kanë dhënë kandidaturës së Dukës për kreun e FSHF.
“Çdo ish-futbollist apo futbollist aktual i Kombëtares shpreh atë që ka parë dhe po sheh. Askush nuk flet për interesin personal apo për t’i bërë mirë federatës, sepse nuk është fushatë ku voton populli i thjeshtë, por sepse këto ndryshime janë të dukshme nga viti në vit. Për fjalët nuk e vras shumë mendjen, unë them atë që ndiej, qoftë kjo e saktë, apo e gabuar”.